ចំពេោះស្រ្តីមានផ្ទៃពោះ និង ទារកក្នុងផ្ទៃ
ជំងឺស្អូចគឺជាជំងឺឆ្លងដែលមានអាការៈជំងឺកម្រិតស្រាលខុសពីជំងឺកញ្ជ្រឹល ។ ទោះជាយ៉ាងណាការឆ្លងមេរោគស្អូចចំពោះស្ត្រីមានផ្ទៃពោះនិងអំឡុងពេល៣ខែដំបូងគឺមានឱកាស៩០% ឆ្លងមេរោគនេះទៅទារកក្នុងផ្ទៃម្តាយបណ្តាលឲ្យរលូតកូន ឬ ស្លាប់ទារក ឬពិការភាពពីកំណើត ដែលហៅថាជំងឺស្អូចពីកំណើត (CRS) ។ ជំងឺស្អូចពីកំណើត (CRS) មានដូចជា៖ ខ្វាក់ភ្នែក ថ្លង់ ឈឺបេះដូង ។ល។
ទារកដែលរស់បាន នោះអាចនឹងប្រឈមមុខនឹងភាពពិការធ្ងន់ធ្ងរ (ឧទាហរណ៍ការមើលមិនឃើញ និងស្តាប់ពុំសូវលឺ)និងមានការកើនឡើងហានិភ័យនៃការវិវត្តខួរក្បាលរួមមានភាពខុសប្រក្រតីដូចគ្នានោះផងដែរ និង ប្រភេទជំងឺទឹកនោមផ្អែមនិងរលាកក្រពេញទីរ៉ូអ៊ីត។ មេរោគនេះឆ្លងយ៉ាងងាយស្រួលដោយកំទេចទឹកមាត់ចូលតាមផ្លូវដង្ហើមឬដោយទំនាក់ទំនងផ្ទាល់ជាមួយអ្នកជំងឺ ។ លក្ខណៈពិសេសនៃជំងឺស្អូចគឺ គ្រុនក្តៅ មានភាពល្ហិតល្ហៃ ភ្នែកក្រហមតិចតួច ឈឺត្រចៀកផ្នែកខាងក្រោយ និង មានរលាកកូនកណ្តុរនៅក ដោយមានកន្ទួលស្រដៀងគ្នាទៅនឹងជំងឺកញ្ជ្រឹលដែរ។
រោគសញ្ញា
- *ក្តៅខ្លួនតិចតួច ៣៨,៩អង្សា ឬតិចជាងនេះ
- *ឈឺក្បាល
- *ហៀរសំបោរ ឬតឹងច្រមុះ
- *ហើមកូនកណ្តុរនៅផ្នែកខាងក្រោមនៃលលាក្បាល, កខាងក្រោយ និងក្រោយត្រចៀក
- *កន្ទួលពណ៌ផ្កាឈូកចាប់ផ្តើមកើតមាននៅលើមុខ និងរាលដាលយ៉ាងលឿនទៅលើទ្រូង
- *បន្ទាប់មកដៃ និងជើង
- *ឈឺសន្លាក់ ជាពិសេសក្មេងស្រីៗ
ចូរពិគ្រោះជាមួយគ្រូពេទ្យបើសិនជាអ្នកគិតថា អ្នក ឬកូនបានប៉ះពាល់នឹងជំងឺស្អូច ឬមានរោគសញ្ញាដូចខាងលើ។
បើសិនជាអ្នកកំពុងតែមានបំណងចង់មានផ្ទៃពោះ ចូរពិនិត្យមើលកំណត់ហេតុថាមានការចាក់វ៉ាក់សាំងហើយឬនៅ។ បើសិនជាស្ត្រីមានផ្ទៃពោះឆ្លងជំងឺស្អូ្ច ជាពិសេសនៅត្រីមាសទីមួយ វីរុសអាចនឹងធ្វើអោយទារកស្លាប់ ឬបង្កអោយមានការខូច ឬបាត់បង់អវៈយវៈធ្ងន់ធ្ងរទៀតផង។ ជំងឺស្អូចក្នុងពេលមានផ្ទៃពោះគជាមូលហេតុដែលធ្វើអោយកូនកើតមកថ្លង់ពីកំណើតញឹកញាប់ជាងគេបំផុត។ យកល្អ ស្ត្រីគួរតែមានការការពារជំងឺនេះមុនពេលមានផ្ទៃពោះ។
បើសិនជាអ្នកមានផ្ទៃពោះ អ្នកទំនងជានឹងត្រូវពិនិត្យដើម្បីធ្វើយ៉ាងណាអោយមានការការពារខ្លួនពីជំងឺស្អូច។ ប៉ុន្តែបើសិនជាអ្នកមិនធ្លាប់ចាក់វ៉ាក់សាំងទេ ហើយគិតថាអ្នកប្រហែលជាធ្លាប់ប៉ះពាល់នឹងជំងឺស្អូច ចូរទាក់ទងទៅគ្រូពេទ្យភ្លាម៕
