ចំណាយពេលដើរ​​ ១៥ នាទីរាល់ថ្ងៃសោះ ទទួលបានអត្ថប្រយោជន៍សុខភាពចំនួន ៧ យ៉ាងងាយ!

វា​មិន​ពិបាក​ឡើយ​ដោយ​គ្រាន់តែ ដើរ​រយៈពេល ១៥ នាទី​ក្នុង​រាល់ថ្ងៃ​។ ការដើរ​រយៈពេល ១៥ នាទី​ពិតជា​រឿង​ចាំបាច់​សម្រាប់​មនុស្ស​ចាស់​អាយុ ៦០ ឆ្នាំ​ឡើងទៅ​។​

យោងតាម​ការសិក្សា​បង្ហា​ញ​ថា ការដើរ​ជាប្រចាំ​រយៈពេល ១៥ នាទី កាត់បន្ថយ​ការស្លាប់​មុន​អាយុ​បាន ២២ ភាគរយ នេះ​បើ​ប្រៀប​ធ្វើ​នឹង​អ្នក​មិន​ដើរ​បែបនេះ​ទាល់តែសោះ​។ វេជ្ជបណ្ឌិត​ក៏បាន​អះអាង​ដែរ​ថា ក្នុង​មួយអាទិត្យ​ត្រូវមាន​សកម្មភាព​រាង​កា​យ​សរុប​យ៉ាងហោចណាស់​ក៏ ១៥០ នាទី​ដែរ​។​

​    ​ហើយ​ខាងក្រោម​នេះ​គឺជា​អត្ថប្រយោជន៍​នៃ​ការដើ​រយៈពេល ១៥ នាទី​រៀងរាល់ថ្ងៃ​។​
​    ​១. បង្ការ​ជំងឺ​ទឹកនោមផ្អែម​
​    ​២. ស្រក​ទម្ងន់​
​    ​៣. បង្កើន​កម្រិត​វីតាមីន D
​    ​៤. បំបាត់​ការឈឺចាប់​
​    ​៥. ជួយ​បង្ការ​មហារីក​ពោះវៀនធំ មហារីក​សុដន់ និង​សួត​
​    ​៦. ជួយ​ដល់​សុខភាព​បេះដូង​
​    ​៧. បង្កើន​អារម្មណ៍​កាន់តែ​ល្អ​៕